தனது கைதினால் மனநோயால்பாதிக்கப்பட்டிருக்கும் தனது வயோதிப தாயுடன் வாழ தன்னை விடுதலைசெய்யுமாறு கோரி மகசீன் சிறைச்சாலையில் கடந்த 10வருடமாக தடுத்துவைக்கப்பட்டிருக்கும் தமிழ் சிறைக்கைதி ஒருவர் ஜனாதிபதி மகிந்தவுக்கு கடிதம் எழுதியுள்ளார்.

2002-02-01திகதி அன்று பயங்கரவாத தடுப்புச்சட்டத்தின் கீழ் எதுவித குற்றமும் சாட்டப்படாமல் தான் சந்தேகத்தி;ன் கீழ் தடுத்துவைக்கப்பட்டுள்ளதாகவும் அவர் தனது கடிதத்தில் தெரிவித்துள்ளார்.

தான் கைதுசெய்யப்பட்ட நாள் முதல் மன உளைச்சலுக்கு ஆளான தனது வயோதிப தாயார் கடும் மனநோயால்பாதிக்கப்பட்டுள்ளதாகவும் அவர் தெரிவித்துள்ளார்.

எனவே எனது தாயாரை அவரது இறுதிக்காலத்தில் அவருக்கு அருகில் இருந்து தான் கவனிக்க விரும்புவதாகவும் எனவே தனது விடுதலையை விரைவுபடுத்தி உதவுமாறும் அவர் தனது கடிதத்தில் தெரிவித்துள்ளார்.