மட்டக்களப்பு மாவட்டத்தின் களுவாஞ்சிகுடி பொலிஸ் பிரிவுக்குட்பட்ட பெரியகல்லாறு பகுதியில் சிங்களவர்கள் குடியேற்றப்பட்டுள்ளதாக அப்பகுதி மக்கள் தெரிவித்துள்ளனர்.

அப்பகுதியில் மீன்பிடி தொழிலில் ஈடுபட என்பதாக கூறிய கடற்தொழில் நீரியல்துறை அதிகாரிகளினால் இந்த குடியேற்றம் செய்யப்பட்டுள்ளதாக எமது செய்தியாளர் தெரிவிக்கின்றார்.

சுமார் ஐந்து குடும்பங்கள் முற்றிலுத் தமிழர்கள் வாழும் பெரியகல்லாற்று பிரதேசத்தில் குடியேற்றப்பட்டுள்ளதாகவும் அவர் தெரிவித்தார்.

இது தொடர்பில் அரசியல்வாதிகள் பலரிடம் முறையிட்டபோதும் எதுவித பலனும் ஏற்படவில்லையென பெரியகல்லாறு கல்விமான்கள் முரசிடம் தெரிவித்துள்ளனர்.

ஆத்துடன் கல்குடா பகுதியில் உள்ள தமிழ் மக்கள் வாழும் பகுதிகளில் மீன்பிடிக்கென பல சிங்களவர்கள் குடியமர்த்தப்பட்டுள்ளதாகவும் எமது செய்தியாளர் தெரிவிக்கின்றார்.

இது தொடர்பில் தமிழ் தேசிய கூட்டமைப்பின் மட்டக்களப்பு மாவட்ட முன்னாள் பாராளுமன்ற உறுப்பினரும் வேட்பாளருமான அரியநேத்திரன் கடும் கண்டனம் தெரிவித்துள்ளதுடன் ஜனாதிபதி மகிந்தவுக்கு கடிதம் எழுதியுள்ளதாகவும் தெரிவித்தார்.