FIFA உலகக் கிண்ணக் கால்ப்பந்தாட்டத் தொடரின் இறுதிப் போட்டிக்கு எந்தெந்த அணிகள் தெரிவாகவுள்ளன என்ற    ஆர்வம் ரசிகர்களிடையே அதிகரித்துள்ள நிலையில், நேற்று நள்ளிரவு நடைபெற்;ற முதலாவது அரையிறுதிப் போட்டியில் நெதர்லாந்து – உருகுவே அணிகள் மோதின.

இந்தப் போட்டியில், நெதர்லாந்து அணி 3 ற்கு 2 என்ற கோல் கணக்கில் உருகுவே அணியை தோற்கடித்ததன் மூலம் இறுதிப் போட்டியில், இரண்டாவது அரையிறுதிப் போட்டியில் வெற்றிபெறும் அணியை எதிர்கொள்ளவுள்ளது.

நேற்று நள்ளிரவு விறுவிறுப்பாக நடைபெற்ற இந்தப் போட்டியின் 18 ஆவது நிமிடத்தில், நெதர்லாந்து அணி வீரர் Bronckhorst தனது அணிக்காக முதலாவது கோலினைப் போட்டார்.

பதிலுக்கு 41 ஆவது நிமிடத்தில் உருகுவே அணி வீரர் Forcan  கோல் ஒன்னைப் போட்டு அதனைச் சமப்படுத்தினார். பின்னர் முதல்பாதி வரையில் எந்தவொரு அணியும் கோல்களைப் போட்டிருக்கவில்லை.

இரண்டாம் பாதியின் 70 ஆவது நிமிடத்தில் நெதர்லாந்து அணி வீரர் Sneijder கோல் ஒன்றைப்போட நெதர்லாந்து அணி முன்நிலை வகித்தது.

மேலும், நெதர்லாந்து அணி வீரர் Robben கோல் ஒன்றினைப் போட நெதர்லாந்து அணியின் வெற்றி உறுதியாகியது.

அதனைத் தொடர்ந்து, ஆட்டம் நிறைவடையும் தருணத்தில்  உருகுவே அணி கோல் ஒன்றைப் போட, போட்டி 3 ற்கு 2 என்ற கோல்கள் கணக்கில் நிறைவடைய, நெதர்லாந்து அணி வெற்றியீட்டியது.