நியுசிலாந்தின் Auckland நகரம் உள்ளடங்கிய வடக்குத் தீவின் மேல் அரைப்பங்குப் பகுதிக்குரிய (upper half of the North Island including Auckland) பிரதிநிதியாக திரு தேவராஜன் ஆறுமுகம், அவர்களும் வெலிங்டன் நகரம் உள்ளடங்கலான நியுசிலாந்தின் ஏனைய பகுதிகளுக்கான  பிரதிநிதியாக கலாநிதி சிவபாதம் நகுலேஸ்வரன் அவர்களும் ஏகமனதாகத் தேர்ந்தெடுக்கப்பட்டுள்ளார்கள் என முதன்மைத் தேர்தல் ஆணையாளர் திரு John Minto அவர்கள் அறிவித்துள்ளார்.  

நாடு கடந்த தமிழீழ அரசாங்கத்துக்கு சுவிஸ் நாட்டில் இருந்து தெரிவு செய்யப்படவேண்டிய பத்துப் பிரதிநிதிகளைத் தேர்ந்தெடுப்பதற்காக மே மாதம் 2 ஆம் திகதி நடாத்தப்படுகின்ற தேர்தலில் 7 தேர்தல் தொகுதிகளில் 19 வேட்பாளர்கள் போட்டியிடுவதாக சுவிஸ் தேர்தல் ஆணையகம் அறிவித்துள்ளது.

நாடு கடந்த தமிழீழ அரசாங்கம் தொடர்பாகவும், இவ் அரசாங்கத்தின் முதலாவது அரசவைக்கு சுவிசில் இருந்து தெரிவு செய்யப்பட வேண்டிய 10 பிரதிநிதிகளைத் தேர்ந்தெடுப்பதற்காக நடாத்தப்படவுள்ள தேர்தல் தொடர்பாகவும் சுவிசில் விளக்கக்கூட்டங்கள் ஒழுங்கு செய்யப்பட்டுள்ளன

நாடு கடந்த தமிழீழ அரசாங்கம் தொடர்பாகவும், இவ் அரசாங்கத்தின் முதலாவது அரசவைக்கு ஜேர்மனி,டென்மார்கில் இருந்து தெரிவு செய்யப்பட வேண்டிய  பிரதிநிதிகளைத் தேர்ந்தெடுப்பதற்காக நடாத்தப்படவுள்ள தேர்தல் தொடர்பாக ஜேர்மனி, டென்மார்க்  மாநகரங்களில் விளக்கக்கூட்டங்கள் ஒழுங்கு செய்யப்பட்டுள்ளன.

ஈகைப்பேரொளி முருகதாசன் அவர்களுடைய முதலாம் ஆண்டு நினைவு வணக்க நிகழ்வு அவர் தீக்குளித்த ஐநாசபை முன்பாக 13.02.2010 அன்று பிற்பகல் 3.15 மணிக்கு நடைபெற்றது. அத்தோடு தாயக விடுதலைக்காகவும் தமிழ் மக்கள் சுதந்திரமாக வாழவேண்டும் என்பதற்காகவும் வீரத்தமிழன் முத்துக்குமார் தொடக்கம் ஈகைப்பேரொளி முருகதாசன் வரையிலான பத்தொன்பது தியாகிகளுக்கும் மலர்வணக்கம் செலுத்தப்பட்டது.