வன்னியில் உடனடிப் போர் நிறுத்தம் கோரி சாகும் வரையிலான உண்ணாவிரதப் போரட்டத்தை ஆரம்பித்த கிருஸ்ணா அம்பலவாணரின் போராட்டம் காவல்துறையினரின் தலையீட்டை அடுத்து இடைநிறுத்தப்பட்டது. அவரைப் பரிசோதித்த மருத்துவர் உடனடி மருத்துவ உதவி தேவையென அறிவித்த போதும் அதனை ஏற்றுக் கொள்ள மறுத்த நிலையில் உண்ணாநிலைப் போராட்ட இடத்துக்கு வருகை தந்த காவல்துறையினர் அவரைப் பலாத்காரமாக அகற்றினர்.

சுவிஸ் தமிழர் பேரவை இணைப்பாளர் கிருஷ்னா அம்பலவாணரின் சாகும் வரையான உண்ணாவிரதத்திற்கு முதலில் அனுமதி வழங்கியிருந்த காவல் துறையினர் இன்று நண்பகல் ஒரு மணியுடன் அந்த அனுமதியை ரத்து செய்து அவ்விடத்தை விட்டு அனைவரையும் அகலுமாறு பணித்ததை தொடர்ந்து அங்கு பதட்டம் நிலவிய போதிலும் உண்ணாவிரதப்போராட்டம் உறுதியுடன் தொடர்ந்து பேர்ன் முருகன் ஆலயத்தினுள் முன்னெடுக்கப்படுகிறது.

அனைத்துலக சமூகத்தின் மனச்சாட்சியை உலுப்பும் நோக்குடன் சுவிஸ்சில்  06.04.2009 பேர்ண் சூரிச்சில் தொடங்கிய கவனயீர்ப்பு போராட்டங்கள் இன்றும் பேர்ண் மாநகரத்தில் மக்களால் முன்னெடுக்கப்பட்டு வருகின்றது.

இப்பேரணியாணது இலண்டன் பாரளுமன்ற முற்றலில் தொடர்ந்து ஆறாவது நாளாக நடைபெறும் உண்ணாநிலை போராட்டத்திற்கு ஆதரவளிக்கும் முகமாகவும் மற்றும் இலங்கையில் உடனடி போர் நிறுத்தத்தை அமுல்படுத்தக்கோரியும், மக்கள் படுகொலை செய்யப்படுவதை நிறுத்தக்கோரியும் பிரித்தானிய இளையோர் அமைப்பினரால் ஏற்பாடு செய்யப்பட்டுள்ளது.

இன்று 4ஆவது நாளாகவும் தொடர்ந்து நீர்கூட அருந்தாமல் உண்ணாவிரதம் இருக்கும் பரமேஸ்வரன், சிவதர்சன் ஆகியோரின் நிலைமை கவலைக்கிடமாக போவதை அறிந்து காவற்துறை மருத்துவர்கள் அடிக்கடி இவர்களின் உடல்நிலையை பரிசோதித்துக் கொண்டிருந்தனர்.