சுவிஸ் தமிழர் பேரவை தொடர்ச்சியாக முன்னெடுத்துவரும் மாபெரும் பாத யாத்திரையின் முதலாம் கட்ட நிறைவாக மாபெரும் கவனயீர்ப்பு ஒன்றுகூடலை 17.06.2009  புதன் பிற்பகல் 16:30 மணிக்கு பேர்ன் நாடாளுமன்ற முன்றலில் ஏற்பாடு செய்துள்ளது. 

ஐ.நா சபையின் பாதுகாப்பு சபையில் இன்று ஸ்ரீலங்கா தொடர்பான முக்கிய விவாதம் நடைபெறுவதால் ஜெனீவாவில் அமைந்துள்ள ஐ.நா தலைமையகம் முன்பாக சுவிஸ் வாழ் தமிழ்மக்களால் அடங்காப்பற்று என்று பெயரில் ஆர்ப்பாட்டம் ஒன்று நடைபெற்றது.

வன்னியில் உருவாகியுள்ள மனித அவலத்தைத் தடுத்து நிறுத்துதல், உடனடிப் போர் நிறுத்தம் உட்பட பல்வேறு கோரிக்கைகளை வலியுறுத்தி சுவிஸ் தமிழர் பேரவையினால் ஏற்பாடு செய்யப்பட்ட மனிதச் சங்கிலிப் போராட்டம் இன்று (24.04.2009) வெள்ளி பி.ப 2:00 ஜெனீவா மாநகரில் சிறப்பாக நடைபெற்றது

வன்னியில் உடனடிப் போர்நிறுத்தம், அங்கே அல்லல்படும் மக்களுக்கு உடனடி உணவு மற்றும் மருத்துவ உதவி உட்பட 5 கோரிக்கைகளை முன்வைத்து கடந்த ஏப்ரல் 13 ஆம் திகதி திங்கட்கிழமை முதல் சாகும் வரையிலான உண்ணாவிரதத்தை மேற்கொண்டு வந்த சுவிஸ் தமிழர் பேரவையின் இணைப்பாளர் கிருஸ்ணா அம்பலவாணர் அவர்களின் உண்ணா நோன்பு  11 நாட்களின் பின் இன்று வியாழக்கிழமை 11.30 அளவில் முடிவுக்கு வந்தது.

கனடாவின் தலைநகர் ஒட்டாவில் உள்ள பாராளுமன்ற வளாக வீதியை முற்றுகையிட்டு சுமார் 25000க்கும் மேற்பட்ட மக்கள் பங்குபற்றி கவன ஈர்ப்பு  ‘உரிமைப்போர்’பேரணி இடம்பெற்றுவருவதாக அங்கிருந்துவரும் தகவல்கள் தெரிவித்தன.