இந்திய அரச அதிகாரிகள் சிலர் ஜனாதிபதி மகிந்த ராஜபக்சவை தோற்கடிப்பதற்காக கடந்த ஜனாதிபதி தேர்தலின் பொது முயற்சித்தனர் என்ற குற்றச்ச்சாட்டை, இந்திய அரசு மறுத்துள்ளது.

சில இந்திய அரச அதிகாரிகள் "ஜனாதிபதி மகிந்த ராஜபக்சவை தோற்கடிக்கும் முயற்ச்சியில் ஈடுபட்டனர் என்று   அமைச்சர் நந்தன குணதிலக சென்றவாரம் கூறியிருந்தார்.

"இலங்கை-அமெரிக்க உறவுகள் வலுவடைந்ததை தொடர்ந்து, இந்தியா புலிகளை வலுப்படுத்தினர் என்றும், இந்திய உளவுப்படையான RAW வேறு ஆயுதப்படைகளை உருவாகியது" என்றும் அவர் சாடியிருந்தார்.

எனினும் மக்கள் பல்வேறு கருத்துக்களை கொண்டிருந்தாலும், சரியாக பார்க்கும்போது ஜனாதிபதி ராஜபக்ச முதற்கொண்டு பல மூத்த தலைவர்கள், இந்தியா இன்னொரு நாட்டின் உள்விவகாரங்களில் தலையிடுவதில்லை என்பதை அங்கீகரித்துள்ளனர், என்று PTI செய்தி ஸ்தாபனம் அரசியல் ஆய்வாளர்களை மேற்கோள் காட்டிகூறியது.